हम तोरई के फूल
------------------
------------------
तुम गुलाब के
गुलदस्ता हौ
हम तोरई के फूल
तुम तन पानी के फव्वारा
हमरी कइती धूल
गुलदस्ता हौ
हम तोरई के फूल
तुम तन पानी के फव्वारा
हमरी कइती धूल
तुमका मलकिन
हउले हउले
सुबा - साम सोहरावैं
उलरि उलरि कै बोकरी हमका
नोचि नोचि कै खावैं
हउले हउले
सुबा - साम सोहरावैं
उलरि उलरि कै बोकरी हमका
नोचि नोचि कै खावैं
जानु बचावै खातिर हम तो
रहेन छपरिया झूल
रहेन छपरिया झूल
खूनु पी गयो
तुम हमार सब,
होइगे चेहरा पीले
लेकिन हमका मारि न पइहौ
हमहू बहुत हठीले
तुम हमार सब,
होइगे चेहरा पीले
लेकिन हमका मारि न पइहौ
हमहू बहुत हठीले
घूरे पर हम मुसकाई,
दुख आपन सारे भूल
दुख आपन सारे भूल
तुमरी तना
भले हम मंदिर
भीतर जाय न पाई
लेकिन पेटे केरि आगि हम
अच्छी तना बुझाई
भले हम मंदिर
भीतर जाय न पाई
लेकिन पेटे केरि आगि हम
अच्छी तना बुझाई
तुम देउतन के साथ रहौ
हम जनता के अनुकूल
हम जनता के अनुकूल
- प्रदीप शुक्ल
Comments
Post a Comment