मूंगफली लइ आयेव बप्पा
--------------------------
--------------------------
मूंगफली
लइ आयेव बप्पा
जब लौटेव बाजार ते
बार बार तुम भूलि जा रहेव
है पिछले अतवार ते
लइ आयेव बप्पा
जब लौटेव बाजार ते
बार बार तुम भूलि जा रहेव
है पिछले अतवार ते
धनिया वाला
नमकु सूखि गा
मूंगफली ना आई
तीन दिनन ते लगातार हम
सपने मा बसि खाई
नमकु सूखि गा
मूंगफली ना आई
तीन दिनन ते लगातार हम
सपने मा बसि खाई
लइ ही आयेव बप्पा अबकी
चाहे लायेव उधार ते
चाहे लायेव उधार ते
सूटरु
चिथरा होइगा
लेकिन लागि रहा ना जाड़ा
सक्कर भले न लायो
हम पी लेबै करुआ काढ़ा
चिथरा होइगा
लेकिन लागि रहा ना जाड़ा
सक्कर भले न लायो
हम पी लेबै करुआ काढ़ा
हमरे खातिर मूंगफली
तुम मांगि लायेव सरकार ते
तुम मांगि लायेव सरकार ते
होइगा होय
चुनाव जो पूरा
बप्पा उन ते बोलेव
किरपा केरि गठरिया थोरी
हमरेव गांव म खोलेव
चुनाव जो पूरा
बप्पा उन ते बोलेव
किरपा केरि गठरिया थोरी
हमरेव गांव म खोलेव
हमरे भूखे प्याटन कईहाँ
जोड़ि लेव आधार ते
जोड़ि लेव आधार ते
- प्रदीप शुक्ल
Comments
Post a Comment