तुम टुकुर - टुकुर द्याखौ
हम नंग नाचु नाची
तुम टुकुर - टुकुर द्याखौ
तुम टुकुर - टुकुर द्याखौ
हम बाँधि - बाँधि साफा
फिरि बड़ी - बड़ी हांकी
यहु देसु घुग्घु बनिकै
बस मुलुर - मुलुर झांकी
फिरि बड़ी - बड़ी हांकी
यहु देसु घुग्घु बनिकै
बस मुलुर - मुलुर झांकी
हम दूध ते नहाई
तुम पेटु बाँधि राखौ
तुम पेटु बाँधि राखौ
हम देसु का करावा
है बीस साल पट्टा
तुम छुइ जो कहूं लीन्हेव
तौ मारि द्याब चट्ठा
है बीस साल पट्टा
तुम छुइ जो कहूं लीन्हेव
तौ मारि द्याब चट्ठा
हम गाइ जब मल्हारै
तुम परे हुआँ कान्खौ
तुम परे हुआँ कान्खौ
हम फारि द्याब बादरु
जौ हमै मना कीन्हेव
अवतारु हमै समझौ
तुम भले नहीं चीन्हेव
जौ हमै मना कीन्हेव
अवतारु हमै समझौ
तुम भले नहीं चीन्हेव
हम जउन - जउन बोली
तुम बात वहै भाखौ
तुम बात वहै भाखौ
- प्रदीप शुक्ल
Comments
Post a Comment