डॉ प्रदीप कुमार शुक्ल

बुलेट ट्रेन ते आई मानसून ................................. केरल मा तौ मानसून आय गवा भइया हां गुरु, झमाझम बरसि रहा है हुआं " औे हियां कब आई? " लल्लन गुरू दूनों आंखिन के ऊपर याक हाथ क्यार छज्जा बनाय कै आँखिनि केरि झिर्री खोलि क पूंछिनि अधियाए जून तक बतावति हैं अख़बार टीबी हूं का सोचति हौ गुरू? सोचिति हन कि दुई चार साल मा बुलेट ट्रेन आय जाई तो जल्दी ते आय जाई मानसून हियौं तौ फिरि का कीन जाय गुरू? फिरि काका का वाट द्याब, अउरु कउनो चारा है का? हां गुरू वईसेव ईविएम केर तो पेट खराब होइगे अबहिन ते। - प्रदीप शुक्ल

पाती मिले - काका दिल्ली, भारत कक्कू परनाम l हियाँ सब तुमरी दया ते राजी खुसी है l तुम तो साफा बांधे चारिउ तरफ डहकिही रहे हौ l ई सब चैनल, अखबार वाले तुमका देखाय - देखाय जिउ अकच्छ कीन्हे हैं l उमिरि मा तो काका हम तुमते बीस साल छ्वाट होईबे पर हमतो साम तक ख्यातन मा कामु केहे - केहे बोलि जाइति है l हमार तो मुहु छोहारा होईगा मुलु तुम्हार मुहु सेब की तना लाल होय रहा है l दिब्य सक्ती है तुमरे पास l काका, अब फफूंदी वाले ब्यंजन तौ हांगकांग ते आवति न होईहैं l अडानी होर अपने गोईन्ड़े मा बोई देति होईहैं l काका बेसारु हमहुक देवाव l जियति - मरति याक बार दिब्य बेंजन हमहू देखी l लरिकवा कहति रहै कि पिटरोल थ्वारा महिंगा होइगा है l मारि भिन्नाति रहै l हम डपटि दीन सारे का l हम कहा काका जो कई रहे वही मा तुमार भला आय l मुलु ठीक कीन्हेव काका l गाँव मा लरिकवा सार दिसामैदानौ अब मोटरसाइकिल ते जाय लाग रहें l हम तो कहिति पेट्रोल डीजल मा लगाय देव आगि l भला ई परजा, राजा महराजा केरि बराबरी काहे करै l जहिका द्याखौ वहै मोटर पर चढ़ा घूमि रहा l तुमका अउरु तुमरी पार्टी का तो चलो हक बनति है कि हवाईजहाज, मोटरन पर चल...

दिनांक : २६ सितम्बर, २०१९ इमरान भाई राम राम तुम तो अमरीका मा हौ एत्ते टैम, हमका पता है. कउनो फरक नहीं है कि तुम मुजफ्फराबाद मा फिचकुर निकारि रहे हौ कि न्यूयार्क मा मिमिया रहे हौ. आजु काल्हि चिट्ठी होरी सबका खोजिही लेती हैं. वइसे हमार ककुआ हुएं हैं तुमका हुएं समझा देतीं मुलु वहु बुढउना उनका पिछुआय है. दूनो गुईंया बने घूमि रहे. दूनो जने मिलिकै तुमका गरिया रहे हैं. हमारि सलाह मानौ तौ तुम ककुआ केर पायं पकरि लेव, सबके समहे नहीं, कउने कोने मा. नहीं तो तुम जनतै हौ ककुआ का, तुम झेलि पइहौ ना. बुशरा बीवी जो दुई ठो जिन्न तुमरे साथ भेजिनि हैं उनते आलू छिलवइहैं कक्कू हुआँ. इमरान भाई तुमका सरम नाम कै चीज छुई कै नहीं गय. आतंकिन का ट्रेनिंग तुम देव, उनके सरगना तुम पालौ लाखन बेक़सूर इंसानन क्यार खून तुमरे पाकिस्तान के माथे पर लिखा है, तुमही बताय रहे हौ. औ यहौ चाहति हौ कि दुनिया तुमका पुचकारै, भीख देय. अरे, अमरीका के कहे ते तुम काहे गूं खाय लीन्हेव? अब वहै तुम्हरे साथ चीनु कय रहा. औ द्याखौ कश्मीर का रागु बंद कई देव, हमार कहा मानौ. चुप्पे ते अपनिऊ तरफ वाला लिखि देव हमका. नहीं तौ यहु चीन तुमका...

टिरंप दउआ राम - राम जउन है तउन तुमका तौ हम बतावा रहै अपने पड़ोसी क्यार हालु. हमरे सहन मा कब्जा कीन्हे है सार. कुछु कहौ तौ गुर्राति है. तुम्हारिही सह पाए रहै अबे तक . अब तुमहू जानि गयेव. अच्छा मजे केरि बात यह है कि जउन हमरे सहन मा वहु कब्जा कीन्हे है वहिका इतना गन्ध्वाए है कि बसि पूछौ ना. सांप सार बाम्बिन मा घुसे हैं. औ अइसी निकरि - निकरि काटति हैं. उनहुन का काटति हैं मगर पट्ठा कटवा रहा, सुनतै नहीं. हम कईउ बार कहा कि हमार पटीदार आहिउ तुम, गरीब हौ हम जानिति है. तुमरे बस का नहीं है. हमार हिस्सा हमका देव अउर मउज ते रहव. लेकिन हरामी है सार ( अउरिव गारी देवईया हन, हियाँ लिखि नहीं पा रहेन, बस समझि लेव ) भला पूंछो जब तुमका खाए कै लाले परे हैं तो हटौ हुअन ते, मुलु मानि नहीं रहा. हम भल कुछु कहा, लालु तुम न साफ़ कै पाव तौ हमही खरहचा लगा दीन करी. मुला वहु तइयार न भवा. तौ दउआ आजु भोरैखे हम हुआ जाय कै बाम्बी - वाम्बी साफ़ कीन है. तुमरे पास तो र्वावै आवा होई, तुमका का बताई. दउआ तुमका यह पाती हम यहिके बरे लिखि रहेन है कि वहि चोट्टा का समझा लीन्हेव नहीं तो वहिके आधे घर तक कब्जा कई ल्याब अबक...

सिरिमान मैक पोम्पियो जी नमस्कार पोम्पियो जी तुम अमरीका ते चलि कै एत्ती दूरि आये हौ तहि बदे तुमका हम कुछु उलटा सीधा ना कहब. वइसेव मेहमान हमरे हियाँ भगवान् होति हैं. मुलु तुमतो हुआँ अपनी धरती पर कदम रखतै पैंट उतरवा लेति हौ. हमरे साहरुखौ का ना छोड़ेव तुम. खैर गुस्सा हम वहि बदे नहीं हन. गुस्सा हमार यहि खातिर है कि हमरे ककुआ के तुम, मतलब तुम्हार देसु, अमरीका बहुत दोस्त बनतु रहै औ उनहिन की पीठ मा छूरा भोंकि दिहेव. ठीक चुनावन के बीच उनकी तसबीर के साथ टाइम मा डिवाइडर इन चीफ बतायेव. औ इतनै नहीं वही टैम तुम अपने हियाँ ते व्योपार मा अड़ंगा लगाय दीन्हेव. अरे तनिकु चुनाव - फुनाव निपटि जातीं तौ सब कई लेतिव, हियाँ काका कउन मना करतीं. वहू का छोड़व, अब तुम हमरे ऊपर चढ़ेहे चले आ रहेव. बेमतलब मा अईठि रहेव. अच्छा खासा ईरान ते सस्ता मद्दा तेलु आवति रहै वहिका बंद करा दीन्हेव. ई अरबन रुपैया को हगी? चीन ते 5 जी न लेव नहीं तौ तुम्हार कान काटि ल्याब, रूस ते S - 400 न लेव नहीं तौ तुम्हारि पूँछ उमेठि द्याब, हमका पाकिस्तान समझे हौ का? ककुआ हमार फकीर आदमी हैं. डेराति बिलकुल नहीं. काल्हि मिलिहैं तुमरे आका ते....

अवधी कजरी हरे रामा आवैं बदरिया कारी तकैं गिरधारी रे हारी हरे रामा ... गलियारन मा धूरि उड़ावै औ ख्यातन मा ब्याढ़ झुरावै हो रामा हरे रामा बन मा कुंह्कति मोर कोयलिया कारी रे हारी हरे रामा आवैं बदरिया कारी तकैं गिरधारी रे हारी हरे रामा ... करनाटक मा नाटक ख्यालैं औ रुपियन कै बोली ब्वालैं हो रामा हरे रामा जनता फिरै बौराई दय रही गारी रे हारी हरे रामा आवैं बदरिया कारी तकैं गिरधारी रे हारी हरे रामा ... - प्रदीप कुमार शुक्ल

मेझुका अंकल हुआँ गाँव मा ब्वादा होइ सहर मा गड्ढा ख्वादा होइ सारे देस का यहै हालु है थ्वारा कम या जादा होइ लोकतंत्र कय नटई पकरे दुसरे दल मा फांदा होइ पीएम का चिट्ठी लिक्खिनि है उनका नेकु इरादा होइ पाकिस्तान फूलि कय कुप्पा मेझुका अंकल पादा होइ - प्रदीप कुमार शुक्ल ( मेझुका - मेढक, ब्वादा - कीचड़, नटई - गर्दन )

पहिली बारिस की बौछारैं पहिली बारिस की बौछारैं अस धरती ते रहीं बतलाय जइसे बिछुरी रहैं सहेली  मिली तो गरे लिहिन लपिटाय सोंधी महक उठी धरती ते सगरे फूल गए सरमाय मस्त मुरैला ठुम ठुम नाचै पखना सबै दिहिस फैलाय सूखी दूब के सूखे ह्वांठन पानी मिला आइ मुसकान बूँदी लटकि रहीं हैं अइसे जइसे झुमकी लटकैं कान कुछु बूँदै लीन्हे पुरवइया उनका झुलुआ रही झुलाय जादू है वहिके हान्थन मा द्याखति द्याखति गईं बिलाय कुछु बूँदै धरती का चूमैं कुछु पातन ते रहीं बेल्हराय कुछु तो लटकि रहीं फूलन ते अउर चुटकुला रहीं सुनाय खुसुर फुसुर धरती ते कीन्हिनि आपन दुखड़ा रहीं बताय आँसन के फिरि बहे पनारा धरती रोय परी बुम्बुआय - प्रदीप शुक्ल 28 जून, 2018

बुलेट ट्रेन ते आई मानसून केरल मा तौ मानसून आय गवा भइया हां गुरु, झमाझम बरसि रहा है हुआं " औे हियां कब आई? " लल्लन गुरू दूनों आंखिन के ऊपर याक हाथ क्यार छज्जा बनाय कै आँखिनि केरि झिर्री खोलि क पूंछिनि अधियाए जून तक बतावति हैं अख़बार टीबी हूं का सोचति हौ गुरू? सोचिति हन कि दुई चार साल मा बुलेट ट्रेन आय जाई तो जल्दी ते आय जाई मानसून हियौं तौ फिरि का कीन जाय गुरू? फिरि काका का वाट द्याब, अउरु कउनो चारा है का? हां गुरू वईसेव ईविएम केर तो पेट खराब होइगे अबहिन ते। - प्रदीप शुक्ल