कि हमका गुस्सा आवै

कहैं नसीरुद्दीन कि हमका गुस्सा आवै
मोड़ि लिहिन अस्तीन कि हमका गुस्सा आवै

जौ मुहु खोली हमका तुम गद्दार कहौ
देसु सौंपि हम दीन कि हमका गुस्सा आवै

तुम तो पहिन्दे सूटु खड़े हौ बंद गले का
हम बांधे कौपीन कि हमका गुस्सा आवै

गाय के बप्पा चरि डारिनि सब सरसों अबहिन
देखि - देखि यहु सीन कि हमका गुस्सा आवै

मातादीन कै बिटिया लौंडे फूँकि दिहिनि
कलपैं मातादीन कि हमका गुस्सा आवै

- प्रदीप कुमार शुक्ल

( पुनरवलोकन )