झिलमिल-झिलमिल छोटका तारा

झिलमिल-झिलमिल छोटका तारा
को आहिउ, मनु चकितु हमारा
एतने ऊपर आसमान मा
चमकौ हीरा अस जहान मा

सूरजु जब बरिकै बुझि जावै
कउनिव चीज न चमका पावै
तब तुम्हारि झिलमिल रोसनी
सारी राति रहै फिरि बनी

अंधियारे मा राही द्याखैं
चिनगी देखि-देखि गुन भाखैं
अउरिव कइती उई देतीं चलि
जौ न होति तुम्हारि यह झिलमिलि

नीला आसमान तुम राखौ
परदे की झिर्री ते झाँकौ
कब्बौ आँखि बंद ना कीन्हेव
जब तक सूरजु देखि न लीन्हेव

चमकदार रोसनी चिरैया
राहिन के तुम राह देखैया
जानि न पावा बहुतु बिचारा
झिलमिल-झिलमिल छोटका तारा

झिलमिल-झिलमिल छोटका तारा
को आहिउ, मनु चकितु हमारा
इतने ऊपर आसमान मा
चमकौ हीरा अस जहान मा

झिलमिल-झिलमिल छोटका तारा
को आहिउ, मनु चकितु हमारा
को आहिउ, मनु चकितु हमारा

( अवधी भावानुवाद )

- प्रदीप कुमार शुक्ल